Herzblumm *)

Von Albert H. Keil

Sechs Kinner hoscht gebore,
Ach mär hoschts Läwe g’schenkt,
Als mol de Mut ve’lore –
Bloß nie an dich gedenkt.

Ve’sorcht hoscht erscht die Oma,
Am Schluss doin kranke Mann –
Doi Schicksal niemols so war,
Dass märr därr’s neide kann.

Un was ich jetzt so korz saach,
Kummt märr fascht billich vor:
Hait jährt sich doin Gebortsdaach,
Hait wärren’s achzich Johr.

Sprooch dut an Grenze stoße,
Die Libbe bleiwen stumm.
Statts achzich rode Rose
Bring ich ä(n) annri Blumm:

E Herzblumm g’heert ins Läwe
Un nät erscht an e Grab.
Ich mecht därr zeiche äwe,
Wie lieb ich dich doch hab!

*) © 1. Dezember 2002 by Verlag PfalzMundArt, Dirmstein
Abdruck: „Sonntag aktuell“, 22. Dezember 2002