Palmberg-Rezept *)

Von Albert H. Keil

Am Palmberg wachst en Spitzewoi
Uff Pälzer Boddem, leicht un sandig.
Bloß, kummt nooch Laamersche märr noi,
Dann sinn die Winzer zimmlich grandich:

Am Palmberg licht en Spitzesand
Fär unner daitsche Audobahne.
Un’s find sich immer wer im Land,
Wann’s gilt, mol orntlich absesahne.

Wie kännt mer do, frooch ich mich druff,
Velleicht doch Äänichkeit bewahre? –
Bau ab de Sand, fill Schutt noot uff:
Beim Woi duuscht kinfdich ‘s Spritze spare!

*) Aus: Albert H. Keil: Hunde vor de Herze,
© 1997 by Verlag PfalzMundArt, Dirmstein, ISBN 3-921 395-34-8