Sonett von Albert H. Keil als „Klang-Bild“

6. Preis beim Pfälzischen Mundartdichterwettstreit Bockenheim 1999

        
Driwwer:  Hube  un  Modore.  Lait  dun  haschde,  Audos  rase.  Krach,  Radau,
Ve’kehrsabgase.   Folderstick fär Nas un Ohre.   Drunner: Ruh dut Lecher bohre
in  die  Seel.  Uff grinem Wase      sieht      mer  als  noch  Fichs un Hase.
Cola-Bix  mit  Roscht  vun                          Johre.   Driwwer:   Pralli
Luscht un Blide. Junges                                Glick  un  volli Dasch.
Freiheit  un  dezwische                                Maure.  Drunner:  Immer
Ruh un Friede.  Alder Mandel,  leeri Flasch.  Dem soin Schlof dut ewich daure.
        
      

Nur zur besseren Lesbarkeit:

Driwwer un drunner *)

Sonett von Albert H. Keil in herkömmlichem Satz

Driwwer: Hube un Modore.
Lait dun haschde, Audos rase.
Krach, Radau, Ve’kehrsabgase.
Folderstick fär Nas un Ohre.

Drunner: Ruh dut Lecher bohre
in die Seel. Uff grinem Wase
sieht mer als noch Fichs un Hase.
Cola-Bix mit Roscht vun Johre.

Driwwer: Pralli Luscht un Blide.
Junges Glick un volli Dasch.
Freiheit un dezwische Maure.

Drunner: Immer Ruh un Friede.
Alder Mandel, leeri Flasch.
Dem soin Schlof dut ewich daure.

*) © 1999 by Verlag PfalzMundArt, Dirmstein