Von Albert H. Keil

Anerkennungspreis beim Pfälzischen Mundartdichterwettstreit Bockenheim 2001

midde ins läwe
hot mich däss messer getroffe
nie an so äbbes gedenkt

‘s war doch egal
dass ich schwarz bin un moi freundin weiß
wu märr all pälzisch redden

warum dun die däss
se dritt hänn se mich owwe feschtg’halde
zwä annre sich uff moi bä(n) gekniet

un noot däss messer
e ächdi fraa deeden se aus märr mache
hänn se gesaacht

wie ich widder bei märr war
isses blut geloffe ach aus moine seel
intakt¹) – gar nix mäh

¹) (i)ntact e. v. – Internationale Aktion gegen die Beschneidung von Mädchen und Frauen (www.intact-ev.de)
*) © 2001 by Verlag PfalzMundArt, Dirmstein