Zweireimiges Sonett von Albert H. Keil

Anerkennungspreis beim Pfälzischen Mundartdichterwettstreit Bockenheim 2003

Die Welt, sie schaugelt ganz dief drunne,
Noch bin ich owwe, gaa kä(n) Frooch...
Hot sich gelohnt moi Mih un Plooch,
Hab Glick ich odder U(n)glick g’funne?

Was hawwich fär Erfolch mich g’schunne!
E Schwalb fliecht ach mol dief, mol hoch,
Doch wann betracht ich hinnenooch
Moi Welt: Ve’trickelt wie en Brunne...

Ve’lore alles statts gewunne,
Hait morche is gekippt die Wooch...
Die Loine dabber uffgebunne,

Moi Blut dut rausche vun dem Sooch,
En’geche stärzt die Welt vun unne
Un nämmt märr glei die...

*) © 2003 by Verlag PfalzMundArt, Dirmstein