Sonett von Albert H. Keil

3. Preis beim Mundartdichter-Wettstreit Gonbach 2005

Uff ewig ve’sproche:
Fär mich gäbbt’s bloß dich,
Wu d’ hi(n)gehscht, bin ich.
Däss war nät geloche,

Hab’s Wort nie gebroche,
Warscht alles fär mich.
Jetzt fihl ich en Stich –
Moi Welt is ve’boche.

Ich will’s nät ve’stehje:
Doi Uhr is ve’stellt,
Duuscht nimmi mich kenne...

Weit fort mecht ich renne.
Dorch die dunkel Welt
Soll ich mit därr gehje?

*) © 2005 by Verlag PfalzMundArt, Dirmstein