Sonett von Albert H. Keil

9. Preis beim Sickinger Mundartdichter-Wettstreit 2017

Viel wärd bei uns produziert:
Audos, Fliecher un Turbine
dun‘m Außehannel diene.
Unser Wärtschaft proschberiert.

Gääscht un Wisse fihr’ märr aus:
Naje Indernet-Programme
bringen Lait jetzt weltweit zamme –
nimmi bloß vum Nochberhaus.

Hämmer noch de Iwwerblick?
Waffe du’ märr fär de Siech
vun Ve’brecher doch ve’kaafe!

Sauwres Geld kummt känns serick,
wammer stifden Bircherkriech –
awwer‘s dun die Flichtling laafe!

*) © 2017 by Verlag PfalzMundArt, Dirmstein